Idetë e Merkelit për reforma në Evropë
Christoph Hasselbach und E. Xhani, Deutsche Welle, 26.10.2013
Quotes
Angela Merkel pas fitores në zgjedhjet parlamentare në Gjermani, do t'i japë një shtysë të re reformave në BE. Në kantierin evropian ka ende shumë punë.
Për rreth një vit rresht të gjitha planet e mëdha për reforma të BE-së u pezulluan; qeveria gjermane donte të shmangte para së gjithash çështjet veçanërisht të kontestuara. Tani që kancelarja gjermane Angela Merkel mund të paraqitet në Bruksel më e fuqishme nga rezultati i mirë në zgjedhjet parlamentare, duket se do të guxojë një rinisje të reformave. Në samitin e BE-së Merkel tha: "Kam bindjen se nëse duam të kemi një monedhë të përbashkt duhet të bashkëpunojmë në mënyrë më të koordinuar dhe më të ngushtë se deri tani në çështjet e aftësisë konkurruese dhe forcës inovative." […]
Dikush duhet të jetë në pozicionin e kritikuesit
Zëdhënësi i qeverisë gjermane Steffen Seibert deklaroi se e gjitha kjo nuk është diçka e re. Në të vërtetë që prej shpërthimit të krizës, aktorë të ndryshëm në BE përpiqen të arrijnë më shumë disiplinë buxhetore tek shtetet anëtare, në veçanti qeveria gjermane. Për shkak të këtij qendrimi ajo është akuzuar për ndërhyrje e madje edhe për përpjekje për hegjemoni.
Janis Emmanouilidis nga instituti Qendra e Politikës Evropiane ( European Policy Centre) në Bruksel, në një intervistë me Deutsche Welle, thotë: "Në Berlin, por edhe në kryeqytete të tjera ekziston përshtypja se Komisioni nevojitet si një aktor mbi shtetet, që është në gjendje të kritikojë në rast nevoje qeveritë e vendeve të veçanta". Por ky rol nuk pranohet nga asnjë prej vendeve anëtare. […]
Për secilin diçka
Si shkojnë këto së bashku? Dhe si mund të pajtohen të gjitha këto grupe për kryerjen e reformave? Janis Emmanouilidis beson se Merkel kërkon një zgjidhje të përgjithshme me të cilën t'u ofrohet të gjithëve diçka. Shtetet e orientuara nga stabiliteti do të marrin më shumë konsolidim në eurozonë; shtetet e dobëta do të mbështeten financiarisht në reformat e tyre. Veç kësaj Merkeli do të tregojë mirëkuptim për bashkimin bankar. Këtu bëhet fjalë përsëri për një përgjegjësi të përbashkët të kufizuar, të cilën gjermanët dhe disa vende të tjera e kanë shumë të vështirë ta pranojnë. Emmanouilidis beson se edhe euroskeptikët do të merrnin atë që kërkojnë, pasi nuk do të ketë një ndryshim të gjerë të marrëveshjeve në Evropë: "(...) Fjala është për reforma të veçanta konkrete, të cilat do të jenë të gërshetuara në një paketë të përgjithshme." […]
Link to original text here
Latest media contributions
EPC Update: A world turned upside down: Implications for EUrope's economic & political model
Online Briefing, YouTube, 07.04.2025
EPC Update/Post-summit Briefing: The March EU Summit: Moment of truth for EUrope’s security awakening?
Online Briefing, YouTube, 21.03.2025
EPC Update/Post-summit Briefing: EUrope alone? Supporting Ukraine in a post-transatlantic world
Online Briefing, YouTube, 07.03.2025
EPC Update: What comes after the German elections and the Munich Security Conference?
Online Briefing, YouTube, 27.02.2025
Turning point? Germany’s elections and the future of Europe
Online Briefing, YouTube, 24.02.2025
Will Germany’s new government restore its role as a bold leader of the EU?
Quotes, The Guaradian, 24.02.2025
«Ενωση» μόνο των προθύμων
Quotes, Kathimerini, 23.02.2025
ELIAMEP Webinar: Germany’s Election Showdown: What’s at Stake?
Online Briefing, YouTube, 18.02.2025
EPC Update & Post-summit Briefing: The future of European Defence – now for real?
Online Briefing, YouTube, 05.02.2025
With Trump’s Backing Uncertain, Europe Scrambles to Shore Up Its Own Defenses
Quotes, New York Times, 03.02.2025